Arestado ng mga tauhan ng Candon City Police Station ang isang lalaking wanted sa kasong Frustrated Homicide sa Barangay San Jose, Candon City, Ilocos Sur nito lamang ika-6 ng Mayo 2024.
Kinilala ni Police Lieutenant Colonel Jessie D Balinang, hepe ng Candon City Police Station, ang nahuling suspek na si alyas “Win”, 48, walang trabaho at residente ng Barangay San Jose, Candon City, Ilocos Sur.
Bandang 7:31 ng umaga nang naaresto ang suspek sa kanyang tirahan sa bisa ng Warrant of Arrest sa kasong Frustrated Homicide na may inirekomendang piyansa na Php72,000.
Sa pamamagitan ng determinasyon ng mga kapulisan ng Candon City Police Station, mas papaigtingin pa nila ang kanilang pagganap sa tungkulin upang mapanagot ang mga tiwaling indibidwal na may pananagutan sa batas at masiguro ang seguridad ng mga mamamayan tungo sa Bagong Pilipinas.
Panulat ni Pat Jenilyn Consul
