Arestado ng Cebu City PNP ang suspek sa nangyaring hit and run sa nabiktimang basketball player sa Sitio School Site, Barangay Guadalupe, Cebu City, noong ika-6 ng Mayo 2024.
Kinilala ni Police Major Miles B Damoslog, Station Commander ng Police Station 9, Cebu City Police Office, ang suspek na si “Aaron”, 28 anyos at residente ng Sitio Nika Cabajar Street, Barangay Guadalupe, Cebu City.
Ayon kay PMaj Damoslog, bandang 2:15 ng hapon ng maaresto ang nasabing suspek sa bisa ng Warrant of Arrest para sa kasong Murder na walang rekomendadong piyansa.
Ang matagumpay na pagkadakip ng naturang suspek ay bunga ng pinagsanib-pwersa ng Police Station 9 at Police Station 2.
Ang mga kapulisan ng Cebu City ay patuloy sa pagsasagawa ng operasyon laban sa mga taong may pananagutan sa batas upang mapanatiling tahimik at maayos ang komunidad dahil sa Bagong Pilipinas, gusto ng pulis, ligtas ka.
SOURCE: CCPO SR
Panulat ni Pat Grace P Coligado
