Natunton at naaresto ng Legazpi City Police Station ang isang lalaki na Wanted Person na may kasong Carnapping sa Purok 4, Barangay Rawis, Legazpi City, Albay nito lamang Abril 25, 2024 matapos ang 13 na taong pagtatago.
Kinilala ni Police Lieutenant Colonel Ray Anthony M Villanueva, Officer-In-Charge ng Legazpi CPS, ang akusado na isang 35 taong gulang na lalaki, may asawa at residente ng nabanggit na lugar.
Bandang 3:10 ng madaling araw ng naaresto ang akusado sa bisa ng Warrant of Arrest sa kasong paglabag sa Republic Act 6539 o ang Anti-Carnapping Act of 1972.
Makakaasa ang taong bayan na patuloy na gagampanan ng mga kapulisan ang mandato na tugisin at hulihin ang mga taong may pananagutan sa batas nang sa gayon ay maging ligtas ang komunidad tungo sa pagsulong ng Bagong Pilipinas.
Source: Legazpi City Police Station
Panulat ni Pat Rodel Grecia
