Arestado ng Cabuyao Component City Police Station ang dalawang drug personalities sa anti-illegal drugs operation at nakumpiska mula sa mga suspek ang baril at Php300,000 na halaga ng shabu sa Barangay Diezmo, Cabuyao City, Laguna nito lamang Abril 25, 2024.
Kinilala ni Police Colonel Gauvin Mel Y Unos, Acting Provincial Director ng Laguna PPO, ang mga suspek na sina alyas “Raymond”, nakatala na High value individual at alyas “Ban”, isang Street Level individual at pawang mga residente ng Calamba, Laguna.
Nagkasa ang mga operatiba ng Cabuyao CCPS ng isang operasyon dakong 5:30 ng umaga na nagresulta sa pagkakaaresto ng mga suspek matapos magbenta ng hinihinalang shabu sa nagpanggap na police poseur buyer kapalit ang marked money.
Kasalukuyang nasa kustodiya ng Cabuyao CCPS ang mga arestadong suspek na nahaharap sa mga kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang bawat matagumpay na pagtugis ng PNP sa mga sangkot sa ilegal na droga ay nagbibigay ng pag-asa sa ating mga mamamayan na ang Bagong Pilipinas ay hindi lamang isang pangarap kundi isang magiging katotohanan sa pamamagitan ng sama-sama nating pagkilos para sa kaunlaran at kapayapaan ng ating bayan.
Source: Laguna Police Provincial Office
Panulat ni Patrolwoman Joeana-May C Rosario
