Muling umarangkada ang walang humpay na pagpapalaganap ng Project E-S.I.P.O.L o Project Enhanced- Special Initiative for the Protection of Women and Children against Offensive and Lascivious Acts ng Allacapan Police Station sa Capanickian Sur Elementary School, Barangay Capanickian Sur, Allacapan, Cagayan noong ika-25 ng Abril 2024.
Pinangunahan ni Police Major Krismar Angelo P Casilana, hepe ng naturang istasyon ang programa para sa mga mag-aaral at guro ng nasabing paaralan, mga magulang at mga barangay officials.
Itinampok sa nasabing aktibidad ang pagtalakay sa mga karapatan at kapakanan ng mga kababaihan laban sa pang-aabuso at pagbabahagi ng mga pito na nakapagbenepisyo sa higit 80 na mag-aaral mula sa ika-apat hanggang ika-anim na baitang.
Samantala, hinihikayat ng mga kapulisan ang mga mamamayan na makiisa at makipagtulungan upang maprotektahan ang mga kabataan sa paglaban sa kaharasan lalo na sa mga kababaihan at upang maiwasan ang mga insidente ng panggagahasa at iba pang karahasang sekswal.
Ang inisyatibong ito ng Pambansang Pulisya ay naglalayong palawakin ang kamalayan at maprotektahan ang mga karapatan ng mga kababaihan alinsunod sa isinusulong ni Pangulong Ferdinand R Marcos Jr para sa nagkakaisang Pilipino tungo sa Bagong Pilipinas.
Source: Allacapan PS
