Arestado ang isang wanted person na miyembro rin ng Communist Terrorist Group (CTG) sa isinagawang manhunt operation ng mga operatiba ng Police Regional Office 5 (PRO5) nito lamang April 22, 2026 sa San Fernando, Masbate.
Kinilala ni PBGen Erosito N Miranda, Regional Director, PRO 5, ang naarestong suspek na si alyas “Jie,” 33 years old, at residente ng nasabing bayan.
Ayon sa inisyal na imbestigasyon, dati umanong
Vice Squad Leader (VSL) ang suspek sa ilalim ng pamumuno ni Eleazar C. Ontog, na kilala rin bilang “Ka Randy,” Team Leader ng Squad 2, PLTN1, KLG North, SRC4, BRPC mula 2023 hanggang sa second quarter ng 2024.
Naaresto si Jie sa pamamagitan ng pinagsanib na puwersa ng 502nd Maneuver Company, RMFB 5, San Fernando MPS, PIU, at 1st Provincial Mobile Force Company ng Masbate PPO sa bisa ng warrant of arrest sa kasong Multiple Attempted Murder, na mayroong piyansang inirekomenda na PHP 120,000.00.
“The successful arrest of a wanted person linked to criminal and insurgent activities reflects the PNP’s unwavering commitment to uphold the rule of law. We will continue to intensify our manhunt operations to ensure that those who violate the law are held accountable and that justice is served for the protection of the community,” pahayag pa ni PBGen Miranda.
Tiniyak naman ng PRO5 na mas papaigtingin pa nila ang kanilang mga operasyon upang tugisin ang lahat ng mga nagtatagong wanted individuals sa rehiyon alinsunod sa kanilang layunin sa ilalim ng mantra na Bagong PNP para sa Bagong Pilipinas: Serbisyong mabilis, tapat, at nararamdaman.
