Aktibong nakiisa ang mga tauhan ng Tourist Police Bohol Police Provincial Office sa Barangay at Kalinisan Day (BarKaDa) Clean-Up Drive na ginanap sa Tawala, Panglao, Bohol, bandang 6:00 ng umaga nito lamang Abril 27, 2024.
Ang pakikiisa ng Bohol Tourist Police Unit sa paglilinis ng nasabing lugar ay pinangunahan ni Police Major Cresente Arcana Gurrea, hepe ng naturang istasyon kasama ang mga tauhan nito.
Ang aktibidad ay inisyatibo at inorganisa ng Department of Interior and Local Government (DILG) na nagpapakita ng true “spirit of bayanihan”.
Ito ay naglalayong masolusyonan ang problema sa waste management at magkaroon ng malinis na kapaligiran para makaiwas sa anumang sakit.
Mas pinaiigting pa rin ng mga ahensya ng gobyerno ang pagsasagawa at pakikipagtulungan sa komunidad para sa adhikain ng pamahalaan na magandang kalusugan at ligtas na pamayanan para sa isang Bagong Pilipinas.
Source: Turista Pulis Bppo
Panulat ni Pat Monica Wahing Labajo
