Boluntaryong nagbalik-loob sa mga pamahalaan ang dalawang miyembro ng Communist Terrorist Group sa 1st Eastern Samar Provincial Mobile Force Company sa Barangay 15 Lunang, Dolores, Eastern Samar nito lamang ika-26 ng Abril 2024.
Kinilala ni Police Lieutenant Colonel Arnel C Ambos, Acting Force Commander ng 1st Eastern Samar Provincial Mobile Force Company, ang nagbalik-loob na sina alyas “Miguel”, 39 at alyas “Jin”, 42, na pawang mga residente ng Barangay Cagsalay, Arteche, Eastern Samar.
Ang matagumpay na pagbabalik-loob nila ay resulta ng pursigidong panawagan at pagsisikap ng pinagsamang pwersa ng 1st Eastern Samar PMFC, Provincial Intelligence Unit-Eastern Samar Police Provincial Office, 801st Maneuver Company, Regional Mobile Force Battalion 8 at Provincial Intelligence Team Eastern Samar, Regional Intelligence Unit 8.
Kasamang isinuko ni alyas “Miguel” sa mga awtoridad ang isang homemade yunit ng single shot rifle.
Nasa ilalim na ngayon ng pansamantalang proteksyon ng 1st Eastern Samar PMFC ang nasabing mga surrenderee habang pinoproseso ang kanilang pagsasailalim sa Enhanced-Comprehensive Local Integration Program ng ating pamahalaan para sa kanilang pagsisimula ng bagong buhay.
Ang mga surenderee ay nakatanggap ng agarang tulong na foodpacks mula sa kapulisan.
Ang kanilang pagbabalik-loob ay isang malinaw na pagpapakita sa bisa ng Whole-of-the-Nation Approach to End Insurgency” sa ilalim ng EO 70 na nagpapatibay sa NTF-ELCAC, gayundin sa walang humpay na pagsisikap ng ating mga kapulisan.
Panulat ni Patrolwoman Camberleigh D Flores
