Sumuko sa 2nd Ilocos Norte Provincial Mobile Force Company ang isang dating miyembro ng Communist Terrorist Group sa Barangay Turod, Badoc, Ilocos Norte nito lamang ika-27 ng Abril 2024.
Kinilala ni Police Major Fernando L Fernandez Jr., Acting Force Commander ng 2nd INPMFC, ang sumuko na si alyas “Dan”, 62, dating miyembro ng Fighting Commando Unit at residente ng nasabing lugar.
Ayon kay Police Major Fernandez Jr., ang desisyon ng dating miyembro ng CTG na sumuko ay nagpapakita ng kanyang tapat na pagnanais na baguhin ang kanyang buhay at magsimula ng panibagong yugto sa isang mas tahimik at mapayapang pamumuhay. Kasabay ng kanyang pagsuko ang pagturn-over ng isang cal .38 revolver.
Si alyas Dan ay sumailalim sa preventive measure upang masiguro ang paghihiwalay mula sa grupo at upang maiwasan ang anumang posibilidad ng muling pagkakaugnay sa kanila.
Nagbigay naman ng tulong ang pamahalaan sa pamamagitan ng cash assistance na nagkakahalaga ng Php3,000 at food packs.
Patunay lamang na ang pagsuko ng dating rebelde ay resulta ng epektibong pagpapatupad ng NTF-ELCAC. Sa pamamagitan nito, nagbibigay ito ng inspirasyon at pag-asa na mabigyan sila ng magandang buhay. Ito ay naaayon sa programa ng Pangulo na maitaguyod ang isang ligtas, payapa, at maunlad na Bagong Pilipinas.
Source: 2nd Ilocos Norte PMFC
