Arestado ng kapulisan ng Police Regional Office MIMAROPA (PRO MIMAROPA) ang itinalagang Top 8 Regional Most Wanted Person sa ipinatupad na joint manhunt operation sa Barangay Camili, Alcantara, Romblon nito lamang August 5, 2026.
Isinakatuparan ang operasyon sa pangunguna ng mga tauhan ng Alcantara Municipal Police Station (MPS) sa ilalim ng pamumuno ni PCpt Von A. Edades, Officer-in-Charge, katuwang ang mga intelligence operatives ng Romblon Provincial Mobile Force Company.
Naaresto ang suspek sa bisa ng Warrant of Arrest na inisyu ng Regional Trial Court, Fourth Judicial Region, Branch 82, Odiongan, Romblon, dahil sa kasong rape nang walang piyansang inirekomenda. Kasalukuyang nasa kustodiya ng Alcantara MPS ang suspek para sa iba pang mga dokumentasyon at tamang disposisyon.
Pinuri naman ni PBGen Christopher R Dela Cruz, Regional Director ng PRO MIMAROPA, ang lahat ng mga operating units sa matagumpay na implementasyon ng naturang warrant of arrest. Aniya, “This accomplishment is the result of the hard work, coordination, and commitment of our operating units. Our message is clear—those who choose to evade the law will eventually be found. We will continue to strengthen our manhunt operations and work closely with our field units to ensure that individuals facing criminal charges are arrested and brought before the courts.”
Binigyang-diin din ng pamunuan ng PRO MIMAROPA na magpapatuloy ang parehong kampanya upang matiyak ang kaligtasan ng lahat ng mga residente sa rehiyon alinsunod sa adhikain ng “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
