Arestado ang tinaguriang Top 3 Most Wanted Person ng Zamboanga Peninsula sa kasong Murder sa ikinasang joint manhunt operation ng mga awtoridad sa Brgy. Old Mirapao, Dinas, Zamboanga del Sur nito lamang Lunes, Oktubre 5, 2026.
Kinilala ni Police Colonel Bonifacio B Arañas Jr., Provincial Director ng Zamboanga del Sur Police Provincial Office, ang suspek na isang 28-anyos na lalaki na dinakip sa bisa ng Warrant of Arrest sa kasong Murder na walang inirekomendang piyansa at Attempted Murder na may inirekomendang piyansa na aabot sa Php120,000.
Naging matagumpay ang operasyon dahil sa pagsisikap ng mga tauhan ng Zamboanga del Sur Provincial Intelligence Unit, Dinas Municipal Police Station, 2nd Zamboanga del Sur Provincial Mobile Force Company, at 53rd Infantry Battalion, Philippine Army.
“We will remain relentless in our pursuit of wanted persons. Through strong intelligence gathering, close coordination, and sustained law enforcement efforts, we will continue to ensure that those with standing warrants are brought before the courts and made to face the consequences of their alleged offenses in accordance with the law.” (Mananatili kaming determinado sa aming paghahanap at pag-aresto sa mga wanted na indibidwal. Sa pamamagitan ng mahusay na pangangalap ng impormasyon, mahigpit na koordinasyon, at tuloy-tuloy na pagpapatupad ng batas, patuloy naming sisiguruhin na ang mga taong may umiiral na warrant of arrest ay maiharap sa hukuman at managot sa mga kasong ibinibintang sa kanila, alinsunod sa batas.) ani ni PCol Arañas.
Source: Zamboanga del Sur Police Provincial Office
