Arestado ang isang Top 10 Regional Most Wanted Person sa operasyon na ikinasa ng mga tauhan ng Pilar Municipal Police Station kasama ang puwersa ng Provincial Intelligence Unit-Capiz PPO, President Roxas MPS at 4th Manuever Platoon, 1st Capiz Provincial Mobile Force Company sa Barangay Viscaya, President Roxas, Capiz bandang 7:56 ng umaga nito lamang ika-1 ng Mayo 2024.
Kinilala ni Police Major Alfred V De Leon, hepe ng Pilar MPS, ang suspek na isang 41 anyos na lalaki, Top 10 Most Wanted Person sa Regional Level, binata, at residente ng Pilar, Capiz.
Ang suspek ay naaresto sa bisa ng Warrant of Arrest sa kasong 2 Counts of Sexual Assault (RPC ART 266-A) na walang rekomendadong piyansa at 4 Counts of Qualified Rape by Carnal Knowledge.
Patuloy ang dedikasyon at pagsisikap ng Pilar PNP na mabigyan ng hustisya ang lahat ng nabiktima ng krimen at karahasan sa kanilang nasasakupan para sa mas ligtas na komunidad.
Source: Pilar Municipal Police Station
Panulat ni Pat Charmaine Balunsat
