Nasabat ng Cebu City PNP sa isang babae ang Php544,000 na halaga ng shabu sa isinagawang buy-bust operation sa Sitio Lutaw-Lutaw, Barangay Sto. Niño, Cebu City, noong ika-30 ng Abril 2024.
Kinilala ni Police Major Efren Dela Cruz Diaz Jr., Station Commander ng Police Station 3, Cebu City Police Office, ang suspek na si “Meli”, 35, at residente ng nabanggit na lugar.
Bandang 11:25 ng gabi ng ikinasa ng kapulisan ang operasyon na nagresulta sa pagkaaresto ng suspek at pagkakumpiska ng 8 plastic sachets ng hinihinalang shabu na may timbang na 80 gramo at may Standard Drug Price na Php544,000 at buy-bust money.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Cebu City PNP ay walang humpay at walang tigil sa mga operasyon laban sa ilegal na droga upang tuluyang masugpo ang ipinagbabawal na droga, tungo sa maunlad na Bagong Pilipinas.
Source: Cebu City Police Office
Panulat ni Pat Grace P Coligado
