Nakumpiska ng mga tauhan ng Tapaz Municipal Police Station ang mga hindi lisensyadong mga baril at mga bala sa isinagawang Search Warrant Operation sa Barangay Taslan, Tapaz, Capiz nito lamang ika-29 ng Abril 2024.
Ayon kay Police Major John Almario N Bonior, hepe ng Tapaz MPS, ang naaresto ay isang 35 anyos na lalaki, binata at residente ng Barangay Taslan, Tapaz, Capiz.
Bunga ng isinagawang operasyon ay nakuha sa pagmamay-ari ng suspek ang isang (1) riffle grenade, isang (1) caliber 45 Armscor, isang (1) caliber 45 magazine, apat (4) na piraso ng caliber 45 na bala at isang (1) sling bag.
Ang operasyon ay isinagawa sa bisa ng Search Warrant para sa paglabag sa Republic Act 9516 (Illegal Possession of Explosive) and RA 10591 (Comprehensive Firearms and Ammunition Regulation Act).
Patuloy ang mga tauhan ng Tapaz PNP na maghahatid ng dekalidad na serbisyo tungo sa tahimik at ligtas ng komunidad.
Source: Tapaz Municipal Police Station
Panulat ni Pat Charmaine Balunsat
