Arestado ang tatlong indibidwal matapos mahulihan ng baril, droga at granada sa ikinasang joint drug buy-bust entrapment operation ng mga tauhan ng Malaybalay CPS at PDEA- Bukidnon sa Purok 5, Barangay 9, Malaybalay City, Bukidnon nito lamang Mayo 2, 2024.
Ayon kay Police Colonel Jovit L Culaway, Provincial Director, ang naturang operasyon ay nagresulta sa pagkakaaresto ng dalawang lalaking parehong nasa hustong gulang at isang menor de edad na lalaki.
Nakumpiska mula sa mga suspek ang limang (5) pakete na naglalaman ng puting crystalline substance na pinaniniwalaang shabu; isang unit .38 caliber revolver na walang serial number; limang bala ng kalibre .38; isang unit .22 caliber revolver na walang serial number; apat na pirasong bala ng kalibre .22 ; isang hand grenade; at mga nasabat na ebidensya ng pinaniniwalaang shabu na may bigat na 1.426 gramo.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act at RA 9516 o Illegal Possession of Explosives.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Junia Tria Molinos
