Arestado ang dalawang indibidwal sa isinagawang Oplan Panlalansag-Omega ng Maguindanao del Norte PNP sa Barangay Polayagan, Alamada, North Cotabato noong ika-4 ng Mayo 2024.
Kinilala ni Police Lieutenant Colonel Ariel T Huesca, Chief ng Criminal Investigation and Detection Group, Regional Field Unit BAR, ang mga suspek na sina alyas “Titing”, 49, magsasaka, at alyas “Sam”, 33, habal-habal drayber at pawang mga residente ng naturang lugar.
Naging matagumpay ang pagkakaaresto sa mga suspek sa pagtutulungan ng mga tauhan ng Maguindanao Provincial Field Unit katuwang ang CIDG RFU BAR at Alamada Municipal Police Station.
Nakumpiska mula sa mga suspek ang dalawang yunit ng Garand Cal. 30; isang yunit ng ng Cal. 45; 42 na piraso ng live ammunition ng Cal. 30; pitong piraso ng clip ng Cal. 30; isang Php500 peso bill; 199 piraso ng Php500 boodle money; 200 piraso ng Php1000 peso bill boodle money; apat na ID; isang yunit ng infinix cellphone; isang sling black bag; at isang clip black pouch.
Samantala, mahaharap ang mga suspek sa kasong paglabag sa Seksyon 28 at Seksyon 32 ng Republic Act 10591 o “Unlawful Sale of Firearms and Ammunition and Unlawful Possession of Firearms and Ammunition” kapag napatunayang nagkasala ang mga ito.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Ma. Señora Agbuya
