Arestado ang apat na drug personality ng Sasa Police Station sa Nakada Village, Barangay Daliao, Toril, Davao City ngayon lamang araw ng Lunes, ika-6 ng Mayo, taong kasalukuyan.
Ayon kay Police Major Carol U Jabagat, Station Commander ng Sasa Police Station, ang mga suspek ay kinilalang sina alyas “Orville”, 36 at tinaguriang Top 1 City Level Target; alyas “Jefrey”, 36 at tinaguriang Top 2 City Level Target; alyas “Percy”, 38 at tinaguriang Top 4 City Level Target; at alyas “Maysheil”.
Ang mga suspek ay naaresto sa isinagawang buy-bust operation ng Sasa PS kung saan narekober mula sa kanila ang hinihinalang shabu na may bigat na humigit kumulang 42.26 gramo.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa ilalim ng pamumuno ni Regional Director, Police Brigadier General Aligre L Martinez alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
