Arestado ang tinaguriang Street Level Individual sa ikinasang buy-bust operation ng mga awtoridad sa Katidtuan, Kabacan, Cotabato nito lamang Mayo 2, 2024.
Kinilala ni Police Major Maxim V Peralta, Officer-In-Charge ng Kabacan Municipal Police Station ang suspek na si alyas “Will”, 38 anyos, may asawa, construction worker at residente ng Barangay Poblacion, Kabacan, Cotabato.
Ayon kay PMaj Peralta, naaresto ang suspek dahil sa pinagsanib na pwersa ng Kabacan Municipal Police Station, CPPO DEU, Provincial Intelligence Unit at 2nd Provincial Mobile Force Company kung saan nasabat sa suspek ang isang (1) medium heat sealed, tatlong (3) heat sealed transparent sachet ng mga pinaghihinalaang shabu at Php1,000 bill bilang buy-bust money.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng nahuling indibidwal.
Ang PNP katuwang ang PDEA ay patuloy sa kampanya laban sa ilegal na droga upang mapanatili ang maayos at ligtas na komunidad tungo sa Bagong Pilipinas.
Panulat ni Patrolwoman Flora Mae Asarez
