PRO3 binuksan ang IOBC training upang paigtingin ang kasanayan ng investigation officers
Pormal na binuksan ng Police Regional Office 3 (PRO3) ang Investigation Officers Basic Course (IOBC) Class 324-2026 (02-040-R3-2026-021) noong Agosto 17, 2026, sa Patrol Hall, PRO3 Multi-Purpose Building, Camp Capt. Julian Olivas, City of San Fernando, Pampanga. Pinangunahan ang opening ceremony ni PCol Reynaldo S. Ogay Jr., ADRDA, PRO3, kasama ang mga police officials na nagsilbing course participants.
Layunin ng IOBC na mapaunlad ang mahahalagang kasanayan ng mga kalahok sa case handling, evidence gathering, documentation, at wastong investigative procedures. Sa pamamagitan ng naturang pagsasanay, higit na mapalalakas ang kanilang kaalaman, kahandaan, at propesyonalismo sa pagsasagawa ng mga imbestigasyon at paghawak ng mga kaso.
Patuloy na pinaiigting ng PRO3 ang mga capability-building program upang mapahusay ang investigative competence ng mga tauhan at matiyak ang mas episyente, maaasahan, at propesyonal na serbisyo-publiko sa Central Luzon.
Source: PRO 3 (https://www.facebook.com/share/p/1JTNS7vg11/)
