Nagtapos ang 44 na kalahok, binubuo ng 43 Police Commissioned Officers at isang opisyal ng Philippine Coast Guard sa 45-araw na Investigation Officers Basic Course na isinagawa sa Camp Col. Rafael C. Rodriguez, Butuan City, nito lamang Setyembre 26, 2025.
Pinangunahan ng Police Regional Office 13 (PRO13) ang closing ceremony na dinaluhan ni Police Colonel Restituto P. Lacano Jr., Deputy Regional Director for Operations bilang kinatawan ni Police Brigadier General Marcial Mariano P. Magistrado IV, Regional Director ng PRO13.
Dumalo rin sa nasabing okasyon sina Police Colonel Ruben B. Delos Santos, Hepe ng Regional Investigation and Detective Management Division 13, at Police Colonel Reynante N. Sibayton, Hepe ng Regional Special Training Unit 13.
Ibinahagi ni Police Lieutenant Colonel Michael B. Lozada ang class impression at ginawaran ng Leadership Award bilang Class President.
Samantala, ginawaran ng Medalya ng Kasanayan si Police Lieutenant Creztadel L. Goring matapos makakuha ng pinakamataas na marka na 91.26%. Nakamit naman nina Police Captain Almira S. Rosialda at Police Lieutenant Mark Anthony G. Cobreros ang Medalya ng Papuri bilang ikalawa at ikatlong may pinakamataas na marka na 89.85% at 89.61%.
Bukod dito, pinarangalan din ang Team 1 na binubuo nina Police Lieutenant Colonel Gregorio M. Changatag, Police Captain Rosialda, at Police Lieutenant Demetrio P. Galanida Jr., matapos hiranging Best Team mula sa 12 koponan na lumahok sa kanilang field immersion at panel defense.
“What you have learned is a foundation. From this day forward, you carry the burden of justice. Our task is only fulfilled when the offenders are convicted in court and when the victims can once again walk without fear,” ani PBGen Magistrado IV.
Panulat ni Patrolwoman Karen Mallillin
