Arestado ang mag-asawang sina alyas “Noli” at alyas “Maribel” sa bisa ng search warrant matapos makumpiska mula sa kanila ang tinatayang Php680,000 halaga ng hinihinalang shabu nito lamang ika-5 ng Mayo, taong kasalukuyan.
Ang naturang operasyon ay isinagawa sa bahay ng mag-asawa sa Purok 7, Barangay Apokon, Tagum City kung saan maliban pa sa hinihinalang shabu ay nakumpiska rin ang apat na glass tube, isang straw, isang digital na timbangan at isang canister.
Ayon kay Police Lieutenant Colonel Jerick Abilla Filosofo, Officer-In-Charge ng Tagum City Police Station, ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad at ilegal na droga ay patuloy na pinapaigting ng Police Regional Office 11 sa ilalim ng pamumuno ni Regional Director, Police Brigadier General Aligre L Martinez alinsunod sa kampanya ng Bagong Pilipinas na panatilihin ang kapayapaan, kaayusan at makamit ang isang drug-free na bansa.
Panulat ni Pat Shairra Rose A Aquino
