Matagumpay na naidaos ang pagpapasinaya sa Emergency 911 Command Center sa bayan ng Morong, Rizal nito lamang ika-06 ng Mayo 2024.
Pinangunahan ni Atty. Juan Victor R Llamas, DILG Undersecretary ng External, Legal at Legislative Affairs ang nasabing aktibidad katuwang ang opisyal ng lokal na pamahalaan ng Rizal sa pamumuno ng butihing gobernadora na si Hon. Nina Ricci A Ynares at iba pang pribadong ahensya tulad ng Next Generation Core Services (NGCS) na pinamunuan ni Mr. Robert Llaguno at Mr. Francis D Fajardo, JD.,
Bukod pa dito, dumalo sa nasabing inagurasyon si Police Colonel Felipe B Maraggun, Provincial Director ng Rizal Police Provincial Office, Police Major Rosalino E Panlaqui, hepe ng Morong Municipal Police Station at Hon. Sydney B Soriano, Alkalde ng Morong na nagpabatid ng lubos na pasasalamat sa lahat ng naging tulong at suporta ng mga alagad ng batas sa matagumpay na pagsasagawa ng aktibidad.
Ang Emergency command center ay mahalaga para sa lungsod ng Morong, Rizal sapagkat ito ang nagsisilbing sentro ng koordinasyon at pagtugon sa mga kritikal na sitwasyon tulad ng iba’t ibang uri ng kriminalidad.
Sa pamamagitan nito maaaring magbigay ng agarang impormasyon at tulong sa mga apektadong residente at mapangalagaan ang kaligtasan at seguridad ng komunidad.
Source: Rizal PNP-PIO
Panulat ni Pat Angelica Rica S Teng
