Tinatayang Php45 milyong halaga ng marijuana ang nadiskubre ng Kalinga PNP sa isinagawang marijuana eradication sa Barangay Buscalan, Tinglayan, Kalinga nito lamang ika-2 ng Mayo 2024.
Ayon kay Police Colonel Freddie M Lazona, Provincial Director ng Kalinga Police Provincial Office, naging matagumpay ang operasyon dahil sa pinagsanib na pwersa ng mga kapulisan sa pangunguna ng mga tauhan ng Special Operations Unit-Cordillera, PNP Drug Enforcement Group, kasama ang mga tauhan ng Tinglayan MPS, Kalinga PDEU, Regional Intelligence Division – PRO Cordillera, Regional Mobile Force Battalion 15, Mountain Province Provincial Mobile Force Company, Regional Intelligence Unit 14, PDEA Kalinga, TOG2 PAF, PCG District Northeastern Luzon, PNP Special Action Force, 503rd Brigade PA at NICA.
Ang operasyon ay nagresulta sa pagkadiskubre ng plantasyon ng marijuana na may lawak na 15,000 square meters at may tanim na humigit kumulang 225,000 piraso ng fully grown marijuana plants na tinatayang may Standard Drug Price na Php45,000,000.
Bagamat walang nahuling cultivator, lahat ng nasabing natuklasan na halaman ng marijuana ay binunot at sinunog sa lugar habang ang sapat na sample ay dinala upang isumite sa Kalinga PFU-Cordillera para sa qualitative test.
Pinuri naman ni PCol Lazona ang mga operatiba sa kanilang matagumpay na operasyon at siniguro naman na lalo pa nilang paiigtingin ang kanilang kampanya kontra sa ilegal na droga upang matuldukan ang paglaganap ng pinagbabawal na gamot sa kanilang nasasakupan.
Panulat ni PSSg Juderick S Tasing
