Tinatayang Php374,000 halaga ng hinihinalang shabu ang nasamsam sa isang High Value Individual sa ikinasang buy-bust operation ng PNP Drug Enforcement Unit – Special Operation Unit 10 nitong ika-20 ng Abril 2024 sa Barangay Puntod, Cagayan de Oro City.
Kinilala ni Police Colonel Heryl L Bruno, Hepe ng PNP – Drug Enforcement Unit – Special Operation Unit 10, ang suspek na si alyas “Pagong”, 42 anyos at residente ng nasabing lugar na isang High Value Individual.
Bandang 12:43 ng madaling araw ng ikinasa ang operasyon ng PNP Drug Enforcement Unit – Special Operation Unit 10 na nagresulta sa pagkakadakip sa High Value Individual na suspek.
Sa naturang operasyon ay nasamsam ang 10 piraso na pakete ng hinihinalang shabu, isang maliit na pakete ng hinihinalang shabu na nasa posesyon ng suspek, isang pakete ng hinihinalang shabu bilang buy-bust item, isang Php1,000 peso bill na ginamit bilang buy-bust money, isang sling bag na may kabuuang bigat na 55 na gramo na may Standard Drug Price na Php347,000.
Ang Police Regional Office 10 ay patuloy sa pagpapaigting ng kanilang kampanya kontra ilegal na droga. Ito ay alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Pat Fajardo
