Tinatayang nasa Php136,000 halaga ng shabu ang nakuha sa isang Ex-Convict sa ikinasang buy-bust operation ng City Drug Enforcement Unit – Iligan City PNP sa Barangay Poblacion, Iligan City nitong Abril 22, 2024.
Kinilala ni Police Colonel Reinante B Delos Santos, City Director ng Iligan City Police Office, ang suspek na si alyas “Julie”, 39 at residente ng Poblacion, Iligan City na dati ng nakulong ng limang taon dahil sa pagbebenta ng ilegal na droga.
Sa pangunguna ng mga tauhan ng City Drug Enforcement Unit – Iligan City Police Office katuwang ang Iligan City Police Station 5 ay nadakip ang suspek sa ikinasang buy-bust operation kaugnay sa Simultaneous Anti-Criminality Law Enforcement Operation o SACLEO.
Nakuha sa naarestong suspek ang isang electronic weighing scale, lighter, Php500 peso bill, dalawang malalaking pakete ng hinihinalang shabu, anim na maliliit na pakete ng hinihinalang shabu na may bigat na 20 na gramo at may street value na Php136,000 kasabay nito ang pag-amin ng suspek na ang ilegal na droga ay galing sa Marawi.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Hindi tumitigil ang Iligan City PNP sa pagsasagawa ng mga operasyon kontra ilegal na droga at kriminalidad upang mapanatiling ligtas at payapa ang mga nasasakupang komunidad.
Panulat ni Pat Fajardo
