Arestado ang isang Top 1 Provincial Most Wanted Person sa kasong Frustrated Murder sa ikinasang operasyon ng mga tauhan ng Libona Municipal Police Station sa Purok 5, Sil-ipon, Libona, Bukidnon nito lamang ika-22 ng Abril 2024.
Kinilala ni PCol Jovit L Culaway, Provincial Director ng Bukidnon Police Provincial Office, ang suspek na si alyas “Mackie”, 31, may asawa, walang trabaho, at residente ng Purok 4, Crossing Libona, Bukidnon.
Ayon kay PCol Culaway, naaresto ang suspek sa bisa ng Warrant of Arrest sa kasong Frustrated Murder na may piyansang Php100,000.
Ang pagkakaaresto sa suspek ay bunga ng matagumpay na kampanya ng pulisya sa pagtugis sa mga taong nagkasala sa batas at patuloy na ginagampanan ang kanilang sinumpaang tungkulin para sa maayos at mapayapang pamayanan tungo sa Bagong Pilipinas.
Panulat ni Pat Rizza Sajonia
