Tinatayang Php1,700,000 milyong halaga ng marijuana ang nadiskubre ng Bakun PNP sa isinagawang marijuana eradication sa Insayang, Kayapa, Bakun, Benguet nito lamang Abril 15, 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng mga operatiba sa pangunguna ng Bakun Municipal Police Station bilang lead Unit, Provincial Drug Enforcement Unit/Provincial Intelligence Unit, Benguet Police Provincial Office, Regional Intelligence Unit 14, at PDEA-Cordillera Administrative Region.
Nadiskubre ng mga kapulisan ang isang plantasyon sa isang Communal Forest na may kabuuang sukat na 1,700 square meters at may tanim na humigit kumulang 8,500 Fully Grown Marijuana Plants (FGMP) na may Standard Drug Price na Php1,700,000.
Kaagad namang binunot at sinunog ang lahat ng nadiskubreng marijuana at nagdala lamang ng sapat na sample sa Regional Forensic Unit-Cordillera para sa qualitative test.
Patuloy ang Bakun PNP sa pagpapaigting ng kampanya kontra sa ilegal na droga at pagpuksa sa mga plantasyon ng marijuana cultivator upang matuldukan na sa kanilang nasasakupan.
