Arestado ng mga operatiba ng Manila Police District (MPD) Meisic Police Station 11 ang tatlong miyembro ng kilabot na gang kabilang ang isang High Value Individual (HVI) makaraang mag-positibo sa buy-bust operation sa Bagong Pag-asa St. Delpan sa Binondo, Maynila nito lamang Lunes, Abril 15, 2024.
Kinilala ni Police Lieutenant Colonel Roberto Mupas, Station Commander ng PS 11, ang mga suspek na sina alyas “Toto”, 25 na tinaguriang High Value individual (HVI); at si alyas “Ronnie”, 38, pawang mga miyembro ng kilabot na Batang City Jail (BCJ) gang kasama si alyas “RR”, 32 anyos na miyembro naman ng Commando Gang.
Sa naturang operasyon ay nasabat ng Station Drug Enforcement Unit ng istasyon ang limang pakete ng shabu na may bigat na humigit-kumulang 20 gramo ang bigat at nagkakahalaga ng Php136,000.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Paalala ng MPD sa sangkot sa kalakaran ng bentahan ng ilegal na droga sa lugar na itigil na ang kanilang mga masasamang aktibidad dahil hindi titigil ang pulisya sa pagtugis sa mga sindikato ng droga at sila ay pananagutin sa batas. Dahil hangad ng Pambansang Pulisya ang kaligtasan at kapayapaan sa ating bansa.
Source: Police Big Brother
Panulat ni PSSg Remelin M Gargantos
