Nasamsam ang tinatayang Php102,000 halaga ng shabu sa mag-asawang suspek sa isinagawang buy-bust operation ng Police Station 4, Cagayan de Oro City Police Office sa Zone 1 Sto. Niño, Barangay Bayabas, Cagayan de Oro City nito lamang ika-16 ng Abril 2024.
Kinilala ni Police Major Mario Nalla Mantala Jr, Station Commander ng PS4, COCPO, ang mag-asawang suspek na sina alyas “Mary”, 37, at alyas “Alfon”, 41, pawang residente ng Barangay 35, Cagayan de Oro City.
Ayon kay PMaj Mantala, naaresto ang suspek bandang 2:07 ng madaling araw sa nabanggit na lugar at nakuha ang 24 na pakete ng shabu na may bigat na 15 gramo na nagkakahalaga ng Php102,000, drug paraphernalia, at Php500.00 bill na ginamit bilang buy-bust money.
Mahaharap ang mag-asawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Patunay lamang na ang Police Regional Office 10 ay hindi sasantuhin at patuloy na aarestuhin ang mga gumagamit at nagbebenta ng ilegal na droga sa Hilagang Mindanao upang masiguro ang kaligtasan ng bawat mamamayan tungo sa isang Bagong Pilipinas.
Panulat ni Pat Danessa Berdos
