Nasabat ng mga kapulisan ang mahigit na dalawang milyong halaga ng shabu sa isinagawang drug buy-bust operation sa Barangay Caingin, Lapaz, Iloilo City nito lamang ika-12 ng Abril 2024.
Ang operasyon ay pinangunahan ng Iloilo City Police Office City Drug Enforcement Unit kasama ang Iloilo City Police Station 2, Iloilo City Maritime Police Station, Iloilo City Mobile Force Company at Mobile Patrol Unit.
Kinilala ni Police Lieutenant Colonel Antonio Benitez Jr., hepe ng CDEU, ang naaresto na si alyas “Damian”, High Value Individual, 49 taong gulang at residente ng nasabing lugar.
Ayon kay PLtCol Benitez Jr., narekober mula sa suspek ang humigit kumulang 430 gramo ng hinihinalang shabu at nagkakahalaga ng Php 2,924,000, isang caliber .45 pistol na baril, magazine at pitong piraso ng live ammunition.
Mahaharap ang suspek sa mga kasong paglabag sa Republic Act 9165 o ang Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patunay lamang na ang matagumpay na operasyon na hindi tumitigil ang ating kapulisan upang puksain ang ilegal na droga, at mas papaigtingin pa ito para sa kaayusan at kapakanan ng mamamayan.
Source: PRO6 RPIO
Panulat ni Pat Glydel V Astrologo
