Nasakote ng mga operatiba ng Police Station 11 ng Cebu City Police Office (CCPO) ang isang Most Wanted Person na may kinakaharap na kasong Murder sa isinagawang operasyon gamit ang PNP E-Warrant System dakong alas-11:30 ng gabi noong Mayo 25, 2026 sa Ma. Gochoan Street, Barangay Mambaling, Cebu City.
Pinangunahan ang operasyon ng Station Drug Enforcement Unit (SDEU) Team at Intelligence PNCO Team sa pamumuno ni PLt Jay Ramos, sa ilalim ng direktang superbisyon ni PCpt Arnel Ancheta, Station Commander.
Naaresto ang akusado sa bisa ng Warrant of Arrest para sa kasong Murder na inilabas ng Presiding Judge ng Regional Trial Court, Branch 31, Calbayog City noong Disyembre 15, 2014. Nakasaad din sa kautusan ng hukuman na walang piyansang inirekomenda para sa nasabing kaso.
Matapos ang operasyon, dinala ang akusado sa Police Station 11 para sa tamang booking at documentation bago isinailalim sa kaukulang disposisyon.
Ipinapakita ng matagumpay na operasyong ito ang patuloy na pinaigting na kampanya ng Cebu City Police Office laban sa mga wanted person sa ilalim ng pamumuno ni City Director, PCol George V. Ylanan, upang matiyak na ang mga indibidwal na may kinakaharap na kaso ay mapapanagot sa batas na naaayon sa adhikain ng PNP na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
