Boluntaryong sumuko ang isang miyembro ng CTG sa pulisya sa Sta. Ana, Cagayan bandang 3:20 ng hapon noong ika-27 ng Marso 2024.
Kinilala ni Police Major Ranolfo S Gabatin, hepe ng Sta. Ana Police Station, ang sumuko na si alyas “Elsie”, 73, byuda, at residente ng Barangay Casambalangan, Sta. Ana, Cagayan.
Si alyas “Elsie”, na-recruit sya noong 2018 ni Ka Jun at inanyayahan siyang dumalo sa pagpupulong sa kanilang nayon sa Barangay Rapuli, Sta. Ana, Cagayan, kung saan ang kanilang hinaing ay labanan ang gobyerno.
Taong 2019, muling inimbitahan siya na dumalo sa isa pang rally sa San Pablo, Isabela kasama ang iba pang miyembro. Gayunpaman, matapos ang kanyang masusing pag-aaral sa kanyang sitwasyon, napagtanto niya na ang kanyang hinaing ay ginamit lamang ng organisasyon para mag-recruit ng mga magsasaka at palawakin ang kanilang koneksyon sa ibang mga munisipalidad kaya nagpasya syang hindi maging aktibo sa organisasyon.
Ang pagsuko ni alyas “Elsie” ay pagsisikap na isinagawa ng mga tauhan ng Sta. Ana Police Station, 4th MFP, 2nd CPMFC at MBLT 10, PIT Cag. (Mcic) Marine Corps Intelligence Company.
Ito ay resulta ng serye at iba’t ibang pagsasagawa ng PNP Retooled Community Support Programs kaugnay ng pagpapatupad ng EO 70 o NTF ELCAC partikular na sa mga malalayong barangay sa nasabing munisipalidad.
Source: Santa Ana Police Station
Panulat ni Pat Jerilyn A Colico
