Binawi ang suporta at nagbalik-loob sa gobyerno ang dalawang tagasuporta ng Communist Terrorist Group (CTG) sa Barangay Angkileng, Santa Lucia, Ilocos Sur nito lamang ika-28 ng Marso 2024.
Kinilala ni Police Lieutenant Colonel Rodelio F Santos, Force Commander ng 2nd Ilocos Sur Provincial Mobile Force Company, ang dalawang CTG supporters ng Father Agatep Command na sina “Jimmy”, 57, Barangay Kagawad at “Lando”, 54, Barangay Tanod na parehong residente ng Barangay Abaya, Galimuyod, Ilocos Sur.
Ang dalawang dating tagasuporta ng CTGs ay naglagda at nanumpa ng Oath of Allegiance to the Government bilang tanda ng kanilang pagtalikod sa komunistang grupo.
Kaagad namang nakatanggap ng grocery packs mula sa gobyerno at inihahanda na ang mga kaukulang papel para sila ay sumailalim sa Enhanced Comprehensive Local Integration Program o E-CLIP ng gobyerno.
Patunay lamang na naging epektibo ang mga hakbang ng 2nd Ilocos Sur PMFC sa walang humpay na pakikipaglaban sa insurhensiya at terorismo tungo sa pagkamit ng isang payapa at maunlad na pamayanan tungo sa Bagong Pilipinas.
Panulat ni Patrolwoman Jenilyn Consul
