Nasabat ang tinatayang mahigit Php1,000,000 halaga ng shabu mula sa isang lalaki sa isinagawang buy-bust operation ng mga awtoridad sa Barangay Zone I, Zamboanga City nito lamang ika-02 ng Mayo 2024.
Ang operasyon ay pinangunahan ng mga tauhan ng City Drug Enforcement Unit- Zamboanga City Police Office kasama ang City Intelligence Unit-ZCPO, Regional Intelligence Unit 9 – Zamboanga at mga tauhan ng Philippine Air Force.
Kinilala ang naarestong suspek na si alyas “Wang”, 33 taong gulang, lalaki, may asawa, vendor at residente ng Barangay Zone I, Zamboanga City.
Nakumpiska mula sa suspek ang tatlong malalaking heat-sealed transparent plastic sachets na may laman ng hinihinalang shabu na may timbang na humigit kumulang 150 gramo; 59 piraso ng Php1000 bill; isang black belt bag; at isang Php1000 bill bilang marked money.
Ang pagkakaaresto sa suspek ay bunga ng matagumpay na kampanya ng PNP kontra ilegal na droga alinsunod sa programa ng gobyerno na magkaroon ng sa ligtas, maunlad at mapayapang Bagong Pilipinas.
Panulat ni Pat Joyce Franco
