Timbog ng South Cotabato PNP ang isang lalaki na tinaguriang Top 10 Regional Most Wanted Person dahil sa kasong panggagahasa sa Purok 1, Barangay Crossing Rubber, Tupi, South Cotabato nito lamang Mayo 4, 2024.
Kinilala ni Police Major Js T Pedrosa, hepe ng Tupi Municipal Police Station, ang suspek na si alyas “Epe”, 34 anyos, isang laborer at residente ng Tupi, South Cotabato.
Ayon kay PMaj Pedrosa, naaresto ng mga awtoridad ang suspek sa bisa ng Warrant of Arrest sa kasong rape na walang inirekomendang piyansa.
Ang matagumpay na operasyon ay resulta ng patuloy na pagpapaigting ng mga kapulisan sa paghuli sa mga taong may pananagutan sa batas upang matuldukan na at hindi na madagdagan pa ang kanilang mga biktima.
Panulat ni Pat Ara Casandra L Concon
