Ganap nang Insurgency-Free at State of Stable Internal Peace and Security ang Lungsod ng Ilagan na mahusay na pinamumunuan ni Hon. Josemarie Diaz, City Mayor na kauna-unahang idineklara sa buong Lambak ng Cagayan na ginanap sa City Hall, Barangay San Vicente, City of Ilagan, Isabela noong ika-25 ng Marso 2024
Ang nasabing deklarasyon ay pinangunahan nang nasabing alkalde kasama sina Police Colonel Lee Allen Bauding, Provincial Director ng Isabela Police Provincial Office, Ms. Cristina Somera, Cluster Head, DILG-Isabela, Brigadier General Santiago Enginco, Assistant Division Commander, 5th Infantry Division, Philippine Army, Dir. Rey Addatu, Assistant Regional Director for Operations, National Intelligence Coordinating Agency-Regional Office 2, Police Lieutenant Colonel Lord Wilson Adorio, Chief of Police ng Ilagan Component City Police Station at si Police Major Peter Bometivo, Regional Intelligence Division.
Bilang bahagi ng aktibidad ay nagsagawa ng Signing of Pledge of Commitment at pagbabahagi ng mensahe ng mga naimbitahang panauhin sa ipinagmamalaking tagumpay nang nabanggit na lungsod dahil sa pagtutulungan ng mga kapulisan, Local Government Unit, at maging ang mga stakeholders.
Sa mensahe ni PCol Bauding, taos puso niyang pinasalamatan ang kooperasyon ng bawat mamamayan ng lungsod maging ang PNP Ilagan sa kanilang matagumpay na pagpapaigting sa kampanya laban sa insurhensiya na nakatulong sa pagpapanatili ng kapayapaan at kaayusan sa buong lungsod ng Ilagan.
Dagdag pa ni PCol Bauding, na mas lalo pang pagbubutihin at pagsisikapang maibigay sa publiko ang ligtas at mapayapang pamumuhay na wala nang maramdamdang takot o pangamba ng mga naninirahan hindi lamang sa lungsod ng Ilagan kundi sa buong probinsya ng Isabela.
Source: PNP Isabela
Panulat ni Patrolman Erwin Calaus
