Hindi nag-alinlangan ang dalawang dating rebeldeng komunista na kusang sumuko sa mga tauhan ng 401st B Maneuver Company Regional Mobile Force Battalion sa Barangay Poblacion, Taytay, Palawan nito lamang Marso 26, 2024.
Ang matagumpay na pagsuko nina “Ka Elfren”, 44, at “Ka Jun”, 33, mga dating miyembro ng NPA sa nasabing lugar sa ilalim ng KLG-NORTH, Bienvenido Vallever Command, SRMA-4E ng STRPC ay naging posible sa tulong ng mga tauhan ng PIU, Taytay MPS, Dumaran MPS, Roxas MPS, at 2nd PMFC, Palawan PPO; CIU, Police Station 1, Police Station 2, at CMFC, Puerto Princesa CPO; CIT Palawan RID MIMAROPA; 2nd SOU, PNP Maritime Group; at CIU Palawan PCG.
Kasama sa isinuko ng dalawang dating rebelde ang apat (4) na piraso ng blasting cap at isang (1) piraso ng detonating cord na may sukat na 36 cm.
Sila ay nasa kustodiya na ngayon ng pulisya para sa debriefing at isasailalim sa Enhanced Comprehensive and Local Integration Program (E-CLIP) ng gobyerno.
Patunay lamang na ang Pambansang Pulisya ay patuloy sa pagpapatupad ng kanilang sinumpaang tungkulin kontra kriminalidad at anti-insurgency campaign na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang bagong Pilipinas.
Source: Police Regional Office Mimaropa
Panulat ni Patrolwoman Ana Rose D Guadaña
