Boluntaryong nagbalik-loob ang isang miyembro ng Communist Terrorist Group sa pamahalaan sa Barangay Buenavista, Quinapondan, Eastern Samar nito lamang ika-26 ng Marso 2024.
Kinilala ni Police Lieutenant Colonel Marino Azur G Estonio, Force Commander ng 2nd Eastern Samar Provincial Mobile Force Company, ang nagbalik-loob na si alyas “Caloy”, 45 anyos at residente ng Purok 2, Barangay Hebacong, Borongan City, Eastern Samar.
Ang kanyang pagbabalik-loob ay resulta ng pakikipagnegosasyon ng pinagsamang mga tauhan ng 2nd Eastern Samar Provincial Mobile Force Company, Provincial Intelligence Unit at 124th Special Action Force Company, 12 Special Action Battalion PNP-SAF.
Isinuko rin ni alyas Caloy ang isang caliber 45 pistol, isang magasin at 3 bala.
Nasa kustodiya na ngayon ng 2nd Eastern Samar PMFC ang sumukong miyembro ng CTG bago sumailalim sa programa ng ating gobyerno na Enhanced Comprehensive Local Integration Program o E-CLIP.
Ang pagbabalik-loob ng nasabing surrenderee ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Patrolwoman Camberleigh Flores
