Nagsagawa ang Regional Police Community Affairs and Development Unit (RPCADU) 5 ng Anti-Terrorism at Drug Awareness Symposium sa mga mga-aaral ng Partido Mission Academy, Inc., sa Barangay Talojongon, Tigaon, Camarines Sur nito lamang Marso 26, 2024.
Ang aktibidad ay pinangunahan ni Police Major Nesser V Nabol, hepe ng RPCADU5 kasama ang mga personahe ng Tigaon Municipal Police Station, 501st MC RMFB 5 at PDEG SOU 5.
Tinatayang nasa 100 na mga estudyante ng nasabing paaralan ang dumalo sa nasabing programa, at dito ay tinalakay ang mga paksa hinggil sa EO 70 o ang National Task Force to End Local Communist Armed Conflict (NTF- ELCAC), Republic Act 9165 o ang Comprehensive Dangerous Drugs Act of 2002 at Crime Prevention Tips.
Layunin nitong ibahagi sa mga mag-aaral ang mga batas na sumasakop sa Terorismo, ilegal na droga at mga krimen upang maiwasan na maging biktima at para mapanatili ang katahimikan at kaayusan ng komunidad tungo sa isang maunlad na Bagong Pilipinas.
Panulat ni Pat Rodel Grecia
