Matapos ang biglaang pagbaha dulot ng malakas na pag-ulan ay nagtulong-tulong ang mga tauhan ng Baguio City PNP upang linisin ang mga basurang nakabarado sa City Camp Lagoon Drainage, Baguio City nito lamang Marso 27, 2024.
Ayon kay Police Colonel Francisco Bulwayan Jr, City Director ng Baguio City Police Office, malaki ang naging pinsalang dulot ng biglaang pagbaha matapos lumubog ang ilang mga sasakyang nakaparada malapit sa lagusan ng tubig.
Naging maagap naman ang tugon ng mga tauhan ng Baguio PNP katuwang ang mga kawani ng City Disaster Risk Reduction Office, City Engineering Office, Barangay Officials at mga residente sa pagtanggal ng mga basurang nakabarado sa drainage na nagpahupa sa mataas na pagbaha.
Muli namang pinaalalahanan nina PCol Bulwayan Jr., at ag butihing Alkalde ng Baguio City, Honorable Benjamin Magalong na mahigpit na ipinagbabawal ang magparada ng sasakyan sa daluyan ng tubig sa City Camp Lagoon at mahigpit ang City Ordinance sa tamang segregation at pagtatapon ng basura sa buong lungsod.
Ito ay patunay na ang Pambansang Pulisya katuwang ang iba pang mga ahensya ng gobyerno ay handang tumulong ng walang pinipiling oras para sa kaligtasan ng komunidad.
Panulat ni PSSg Ermilinda Cacliong
