Nagbigay ng seguridad ang mga tauhan ng Langiden Municipal Police Station (MPS) sa pamamahagi ng relief goods at food packs mula sa Department of Social Welfare and Development (DSWD) para sa 320 pamilya sa Barangay Malapa-ao, Langiden, Abra, noong Agosto 11, 2026, bandang alas-9 ng umaga.
Tiniyak ng mga pulis ang mapayapa, maayos at ligtas na pagsasagawa ng distribution activity, habang patuloy na nagbibigay ng seguridad at kinakailangang assistance sa mga benepisyaryo at personnel ng DSWD.
Isinagawa ang aktibidad sa pamamagitan ng sama-samang pagkilos ng DSWD, Lokal na Pamahalaan ng Langiden sa pamumuno ni Hon. Secel B. Palecpec, at Langiden MPS. Ipinakita nito ang kahalagahan ng koordinasyon ng mga ahensya ng pamahalaan sa paghahatid ng serbisyo at pagtiyak na ligtas at maayos na natatanggap ng mga mamamayan ang tulong na kanilang kinakailangan.
Patuloy namang ipinakikita ng Langiden MPS ang dedikasyon ng PNP sa maagap at makataong paglilingkod, hindi lamang sa pagpapanatili ng kapayapaan at seguridad kundi maging sa mga gawaing direktang nakatutulong sa pangangalaga sa kapakanan, dignidad at kaligtasan ng bawat mamamayan.
Source: PNP Abra Langiden (https://www.facebook.com/share/p/19H1z3h41j/)
