Inaasahang mas mapalawak pa ang mga operasyon ng mga Tourist Police Unit ng Police Regional Office 8 (PRO-8) alinsunod sa adbokasiya ng “Bagong PNP para sa Bagong Pilipinas: Serbisyong mabilis, tapat, at nararamdaman,” matapos itong makatanggap ng 50 Class 1 Unified 911 emergency response motorcycles sa ginanap na blessing and turnover nito lamang August 11, 2026.
Kasabay ng naturang turnover ang pagbisita ni Department of the Interior and Local Government (DILG) Secretary Juanito Victor “Jonvic” C. Remulla sa PRO8.
Ang naturang motorsiklo ay ipapamahagi sa iba’t ibang Police Provincial Office at City Police Office sa rehiyon kung saan siyam ang mapupunta sa Southern Leyte Police Provincial Office (SLPPO); walo naman sa Leyte PPO at Tacloban City Police Office (TCPO); at lima naman sa Biliran PPO, Ormoc CPO, Samar PPO, Eastern Samar PPO, at Northern Samar PPO.
Pormal na tinanggap ang nasabing mga motorsiklo ng kani-kanilang provincial governors at city representatives, kabilang sina Leyte Governor Carlos Jericho L. Petilla para sa LPPO; Acting-Mayor Raymund Romualdez sa TCPO; Southern Leyte Board Member Rolando Bacoy para naman sa SLPPO; Biliran DRRMO Sofronio Dacillo Jr. para sa BPPO; Vice-Mayor Carmelo Locsin Jr. para sa OCPO; Samar Vice-Governor Arnold Tan para sa SPPO; Eastern Samar Governor Ralph Vincent Evardone para sa ESPPO; at Northern Samar Board Member Engr. Lope Dorado Jr. para naman sa NSPPO.
“These additional mobility assets will greatly help our Tourist Police Units become more responsive, especially in areas frequented by tourists. More than providing mobility, these motorcycles will allow our personnel to be more visible and accessible to the public, particularly when immediate police assistance is needed,” pahayag pa ni PBGen Jason L Capoy, Regional Director ng PRO8.
Source: https://www.facebook.com/share/p/1BdfJZh73r/?mibextid=wwXIfr
