Arestado ang isang High Value Individual sa isinagawang buy-bust operation ng Digos City Police Station sa Purok Tabing Ilog, Barangay Cogon, Digos City nito lamang 29 ng Abril 2024.
Kinilala ni Police Lieutenant Florante S Retes, Station Commander ng Digos City Police Station, ang suspek na si alyas “Mide”, 40 taong gulang, manggagawa at residente ng nasabing lugar.
Ang suspek ay naaresto sa pinagsanib na pwersa ng City Drug Enforcement Unit ng nasabing istasyon, 1st DSPMFC Intel Personnel, 1104th MC Intel Personnel at PDEA na nagresulta sa pagkarekober ng walong pakete ng hinihinalang shabu na may bigat na humigit kumulang 8 gramo.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier Aligre L Martinez alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino