Milyon-milyong halaga ng dried marijuana stalks with fruiting tops ang nadiskubre ng Benguet PNP sa isinagawang marijuana eradication sa Sitio Dingding, Tacadang, Kibungan, Benguet nito lamang ika-27 ng Abril 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib pwersa ng mga kapulisan sa pangunguna ng mga tauhan ng Kibungan MPS kasama ang mga tauhan ng Provincial Intelligence Unit/Provincial Drug Enforcement Unit, Benguet PPO, Regional Intelligence Division, RIU-14 at PDEA-CAR.
Ang operasyon ay nagresulta sa pagkakadiskubre ng dalawang plantasyon na may 23 kilos ng dried marijuana stalks with fruiting tops.
Bagamat walang nahuling cultivator, lahat ng nasabing natuklasan na dried marijuana stalks ay sinunog sa lugar habang ang sapat na sample ay dinala upang isumite sa Benguet PFU-Cordillera para sa qualitative test.
Pinuri naman ni PCol Bayongasan ang mga operatiba sa kanilang matagumpay na operasyon at siniguro na lalo pa nilang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
Panulat ni PSSg JudeTasing
