Nagsagawa ang Regional Police Community Affairs and Development Unit (RPCADU) 5 ng Drug Awareness at Crime Prevention Symposium sa mga mga-aaral ng San Francisco National High School, Barangay San Francisco, Malilipot, Albay nito lamang Abril 26, 2024.
Ang aktibidad ay pinangunahan ni Police Lieutenant Colonel Brenda O Garcia, Officer-In-Charge ng RPCADU5 kasama ang mga personahe ng Malilipot Municipal Police Station at PDEG SOU 5.
Tinatayang nasa 100 na mga estudyante ng nasabing paaralan ang dumalo sa nasabing programa, at dito ay tinalakay ang mga paksa hinggil sa Republic Act 9165 o ang Comprehensive Dangerous Drugs Act of 2002 at Crime Prevention Tips.
Ang aktibidad ay bilang pagtugon sa kampanya ng gobyerno na magbigay ng tamang kaalaman at impormasyon sa mga mag-aaral upang maiwasang maging biktima ng anumang uri ng kriminalidad dahil ang gusto ng pulis ay maging ligtas ang komunidad tungo sa pagsulong ng Bagong Pilpinas
Panulat ni Pat Rodel Grecia
