Tuluyan nang winakasan ng isang miyembro ng Underground Mass Organization (UGMO) ang pagsuporta sa Communist Terrorist Group sa Barangay Canticum, Calbiga, Samar nito lamang Abril 25, 2024.
Kinilala ni Police Captain Mark Daniel L Maraquilla, Officer-In-Charge ng 802nd Maneuver Company, Regional Mobile Force Company 8, ang nagbalik-loob na si alyas “Ruth”, 41 anyos at residente ng Barangay Beri, Calbiga, Samar.
Ang matagumpay na pagbabalik-loob ay resulta ng pursigidong panawagan at pagsisikap ng mga tauhan ng 802nd Maneuver Company, Regional Mobile Force Company 8 kasama ang Area Police Command Visayas, 2nd Samar Provincial Mobile Force Company at 124th SAC, 12 Special Action Battalion PNP-SAF.
Samantala, ang nagbalik-loob ay nakatanggap naman ng agarang tulong na food packs at bigas mula sa kapulisan.
Ang miyembro ng UGMO ay nasa ilalim ngayon ng kustodiya ng 802nd Maneuver Company, RMFB 8 para sa facilitation at assessment para sa posibleng enrollment nito sa Enhanced Comprehensive Local Integration Program ng gobyerno.
Patuloy naman ang panawagan ng PNP sa iba pang miyembro ng CTGs na magbalik-loob na sa gobyerno, umuwi at bigyang pagkakataong makapiling ang kanilang mga mahal sa buhay.
Panulat ni Patrolwoman Ma. Elena B Singian
