Kusang sumuko sa pulisya ang isang dating miyembro ng Communist Terrorist Group sa Bayan ng Lal-lo, Cagayan noong ika-24 ng Abril 2024.
Ang sumuko ay kinilalang si alyas “Ador”, 71 anyos, isang magsasaka at residente ng Barangay Centro, Lal-lo Cagayan. Ito ay sumuko upang linisin ang kanyang pangalan sa pamahalaan dahil sa pagsanib sa makakaliwang grupo noong taong 1978.
Ayon kay alyas “Ador”, isang miyembro ng Milisya ng Bayan sa ilalim ng liderato ni Ka Sandy ang humikayat sa kanya na umanib sa teroristang grupo at pinangakuan ng financial assistance at seguridad. Napunta siya sa Mallig, Isabela para maging organizer at noong 1990 at naatasan siyang magsanay sa Marag Valley para maging team leader ng grupo para sa gagawin nilang operasyon sa Ballesteros at Aparri, Cagayan.
Noong December 8, 1991 ay nagdesisyon siyang kumalas sa grupo.
Sa ngayon ay pinili niyang mamuhay ng payapa at suportahan ang programa ng gobyerno na nakapaloob sa EO 70 o National Task Force to End Local Communist Armed Conflict.
Source: Cagayan Police Provincial Office
