Naaresto ang tinaguriang Batangas Most Wanted Person sa ikinasang operasyon ng mga awtoridad noong Mayo 18, 2026 sa Brgy. Santa Rita Karsada, Batangas City.
Kinilala ni Police Colonel Oliver Ebora, Officer-In-Charge, Batangas Police Provincial Office, ang suspek na si alyas “Andy”, 32 anyos, construction worker, residente ng naturang lugar na inaresto sa bisa ng Warrant of Arrest para sa kasong paglabag sa Sections 5 at 11, Paragraph 3, Article II ng R.A. 9165 (2 Counts) sa ilalim ng Criminal Case Nos. 22-30213 and 22-30214 na walang inirekomendang piyansa.
“The Batangas Police continue to intensify their campaign against all forms of criminality by ensuring that wanted persons are arrested and brought before the court of law. We stand firm in our Matatag na Pagbabantay to ensure that peace and justice prevail throughout the Province of Batangas.” pahayag ni PCol Ebora.
