Boluntaryong nagbalik-loob ang tatlong miyembro ng Communist Terrorist Group sa pamahalaan sa Barangay Calachuchi, Catarman, Northern Samar nito lamang Marso 26, 2024.
Kinilala ni Police Major Norman S Kiat-Ong Jr, Officer-In-Charge ng 1st Northern Samar Provincial Mobile Force Company at Police Captain Leslie Lalic, Officer-In-Charge ng 804th Maneuver Company, Regional Mobile Force Battalion 8 ang mga nagbalik-loob na sina alyas “Tisoy”, 33, residente ng Barangay Paguite, Lope de Vega, Northern Samar, alyas “Tikom”, 48, residente ng Barangay Trangue, Catarman, Northern Samar at alyas “Koroy”, 54, residente naman ng Barangay Gebonowan, Lope de Vega, Northern Samar.
Ang kanilang pagbabalik-loob ay resulta ng patuloy na panawagan at negosasyon ng pinagsamang mga tauhan ng 1st Northern Samar Provincial Mobile Force Company, 804th Maneuver Company, Regional Mobile Force Battalion 8, 803rd at 43rd IB, Philippine Army.
Ang mga nagbalik-loob ay nasa kustodiya ng 1st Northern Samar PMFC bago sumailalim sa programa ng ating gobyerno na Enhanced Comprehensive Local Integration Program o E-CLIP.
Ang pagbabalik-loob ng mga nasabing surrenderee ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Patrolwoman Ma. Elena B Singian
