Nakibahagi ang mga tauhan ng 104th Maneuver Company (MC) sa Community Outreach Program na pinangunahan ng Binalonan Ang Galing Vloggers Association noong Nobyembre 9, 2026, sa San Felipe Elementary School, Brgy. San Felipe Central, Binalonan, Pangasinan. Layunin ng aktibidad na makapaghatid ng saya, sustansiya, at makabuluhang tulong sa mga batang mag-aaral.
Tampok sa programa ang mga lecture, supplemental feeding, at libreng gupit na nagbigay ng karagdagang kaalaman, pangangalaga, at suporta sa mga benepisyaryong mag-aaral. Naging posible ang aktibidad sa pamamagitan ng mapagkalingang sponsorship ng Louis Liam Resort bilang pangunahing sponsor, katuwang ang iba pang organisasyon at stakeholders.
Ipinakita ng naturang inisyatiba ang mahalagang papel ng pakikipagtulungan ng kapulisan at mga sektor ng komunidad sa pagsusulong ng kapakanan ng kabataan. Sa pamamagitan ng aktibong pakikilahok sa mga gawaing pangkomunidad, patuloy na pinatitibay ng 104th MC ang ugnayan nito sa publiko at isinusulong ang diwa ng bolunterismo, malasakit, at pagkakaisa.
Nanatiling nakatuon ang 104th MC sa pagsuporta sa mga programang nagtataguyod ng kapakanan ng komunidad, alinsunod sa adhikain ng Philippine National Police na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Source: PNP 104th Maneuver Company, RMFB 1 (https://www.facebook.com/share/p/18EKZQNA7A/)
